Këta janë dy të dyshuarit që u kapën me drogë në Gjilan
Dje rreth orës 14:30 Policia e Kosovës ka arritur t’i arrestojë në flagrancë dy person nën dyshimet për shitblerje të lëndëve narkotike, raporton Sinjali.
Të dyshuarit në momentin e arrestimit ishin në një veturë me targa vendore.
Sinjali mëson se bëhet fjalë për Bekim Dautin dhe Abdylaziz Sylën të cilët u kapën afërsisht me 4.5 gramë drogë dhe 8 mijë euro para të gatshme.
Lidhur me rastin, në koordinim me Prokurorinë Themelore, është kryer bastisje në disa lokacione, kurse me vendim të prokurorit kujdestar të dyshuarit janë dërguar në mbajtje.
Në cilësi të provave materiale tek të dyshuarit janë konfiskuar:
- substancë narkotike e dyshuar për heroinë në peshë 537.8 gr. dhe vlerë rreth 8000 euro,
- substancë narkotike e dyshuar si marihuanë në peshë të përgjithshme 3. 36 gr.,
- dy telefona celularë, si dhe një veturë.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
