Këto janë dyshimet e vdekjes së të riut

Gjatë ditës së djeshme, një person i gjinisë mashkullore është gjetur i vdekur në një shtëpi në Pejë.

Policia në raportin 24 orësh ka dhënë detaje pë rastin, duke thënë se dyshohet për vetëvrasje.

Në vendin e ngjarjes përveç njësive policore ka dalë ekipi mjekësor i cili e ka konstatuar vdekjen e personit.

Me vendim të prokurorit trupi i pajetë i viktimës është dërguar në IML për obduksion, teksa rasti vazhdon të hetohet.

“Rr. Kuvendi i Lezhës, Pejë 01.10.2020 – 15:45. Është raportuar se viktima mashkull  kosovar në katin e dytë të një shtëpie në ndërtim e sipër ishte gjetur pa shenja jete i cili dyshohet se kishte bërë vetëvrasje. Në vendin e ngjarjes përveç njësive palcore ka dalë ekipi mjekësor i cili e ka konstatuar vdekjen e viktimës. Me vendim të prokurorit trupi i pajetë i viktimës është dërguar në IML për obduksion. Rasti vazhdon të hetohet”, thuhet njoftimi i Policisë.