Kirurgu nga Gjilani Ardian Shefkiu emërohet ud.drejtor Shëndetësor në SHSKUK

Shërbimi Spitalor Klinik Universitar me hyrjen në fuqi të Rregullores për organizimin e brendshëm, është bërë edhe me ushtrues detyre të drejtorit për Shërbime Shëndetësore, shkruan Gazeta Shneta.

Në këtë pozitë është emëruar kirurgu i fëmijëve Ardian Shefkiu, i cili deri më tani ka mbajtur pozitën e drejtorit të Klinikës së Kirurgjisë së Fëmijëve.

Emërimi është bërë nga drejtori i Përgjithshëm i SHSKUK-së Elvir Azizi.

Shefkiu poashtu është edhe përfaqësues i SHSKUK-së në Bordin Drejtues të Fondit të Sigurimeve Shëndetësore.

Kujtojmë se me statutin e ri të SHSKUK-së para disa muajsh është emëruar edhe ushtruesi i detyrës së drejtorit të Qendrës Klinike Universitare. Në këtë pozitë erdhi Osman Hajdari.

Përndryshe, Shefkiu është nga Gjilani.