Koreja e Veriut do të dërgojë 30 mijë trupa për të ndihmuar Moskën

Koreja e Veriut është gati të trefishojë numrin e trupave të saj që luftojnë për Rusinë përgjatë vijës së frontit me Ukrainën, duke dërguar 25,000-30,000 ushtarë shtesë për të ndihmuar Moskën.

Trupat mund të mbërrijnë në Rusi në muajt e ardhshëm, duke iu shtuar 11,000 trupave të dërguara në nëntor për të sprapsur inkursionin ukrainas në rajonin Kursk të Rusisë.

Një imazh satelitor i bërë më 18 maj 2025 tregon një anije të ankoruar në portin Dunai në Rusi.

Rreth 4,000 prej këtyre ushtarëve të Koresë së Veriut u vranë ose u plagosën gjatë vendosjes, sipas burimeve perëndimore. megjithatë bashkëpunimi i Phenianit me Moskën ka vijuar.

Imazhet satelitore të aeroportit Sunan në Korenë e Veriut më 4 qershor 2025 tregojnë ato që duket se janë aeroplanë mallrash në pistë.

Vlerësimi thotë gjithashtu se ka shenja se avionët ushtarakë rusë po ripajisen për të transportuar personel, duke reflektuar ndërmarrjen e madhe të zhvendosjes së dhjetëra mijëra trupave të huaja nëpër Siberinë ruse, e cila kufizohet me Korenë e Veriut në jugperëndimin e saj.

Vendndodhja e asaj që analistët thonë se është një kamp ushtarak i zgjeruar rus dhe koreano-verior në Postoyalye Dvory, në rajonin Kursk të Rusisë, mund të shihet në një imazh satelitor të bërë më 15 prill 2025.

Përgatitjet e mundshme për vendosjen e re, duke përfshirë mbërritjen e një anijeje të lidhur me vendosjet e vitit të kaluar në një port rus dhe avionëve mallrash në aeroportin Sunan të Koresë së Veriut, janë vërejtur në imazhet satelitore të marra nga CNN. (A2 Televizion)