Kosova do të bëhet me Gjykatë Administrative, miratohet projektligji

Me këtë rast, kryeministri Albin Kurti tha se me këtë projektligj për herë të parë në Republikën e Kosovës themelohet një gjykatë e specializuar për kontestet administrative dhe të punës.

Ndërsa, ministrja e Drejtësisë Albulena Haxhiu ka thënë se ky projektligj është një zotim i Qeverisë së Kosovës që ka pasur para qytetarëve të Republikës së Kosovës. Sipas saj, ky ligj do të kontribuojë në efikasitetin e procedurave në çështjet administrative.

Sipas saj, gjykata do të organizohet në dy shkallë, stafi do të shtohet për 25 gjyqtarë në shkallë të parë dhe nëntë në shkallën e dytë.

Pas miratimit të sotëm në Qeveri projektligji do të dërgohet në Kuvend për miratim.