Kosovari në Francë dënohet me 20 vjet burgim për dhunimin e vajzës
Një kosovar është dënuar me 20 vjet burgim për dhunimin e vajzës së vet në Francë, raporton “Actu.fr”.
Sipas Gjykatës, babai rreth te 50’ave filloi të abuzonte me vajzën e tij që kur ajo ishte 13 vjeç. Ai vazhdoi abuzimin midis viteve 2010 dhe 2020.
Krahas dhunës seksuale, vajza ka qenë edhe viktimë e dhunës fizike dhe kërcënimeve me vdekje.
“Një tiran shtëpiak, pervers, manipulues, egocentrik, jashtëzakonisht i ftohtë”, kështu e përshkroi prokurori i përgjithshëm, Sofian Saboulard, babanë e viktimës.
Përveç dënimit me burg, atij i është ndaluar hyrja në territorin francez. Kosovari mohoi të gjitha akuzat.
Kosovari ishte dënuar në shkallë të parë me 18 vjet burgim në janar të vitit 2023. Një gabim procedural bëri të mundur lirimin e tij më 13 shkurt. Por u arrestua sërish pas 12 ditëve. Dhe në korrik të vitit 2024, mori dënim maksimal.
