Sipas saj, Ardian Nuhiu dhe Gentjan Mezani janë të lindur për të qenë ndihmës-trajnerë, përcjellë Gazeta Olle.

“Unë mendoj që Drita dhe Gjilani nuk kanë fare trajnerë”, deklaroi ajo në “Dueli Sportiv”.

“Disa trajnerë janë të lindur për të qenë ndihmës-trajnerë dhe të tillë janë Nuhiu dhe Mezani”.

“Këto skuadra kanë kualitet të madh brenda dhe kryesi që kanë shpenzuar shumë, por me rezultatet nuk kanë bindur”, shtoi ajo.

I menjëhershëm ishte reagimi i Bylbyl Sokolit, i cili përmendi faktin që të dy trajnerët janë në krye të renditjes.

“Unë mendoj që konkludimi juaj nuk është aspak i saktë sepse të dy trajnerët janë në pjesën e epërmë të tabelës”, deklaroi Sokoli.

“Ata janë trajnerë të dëshmuar. Drita është një pikë larg vendit të parë, ndërsa Gjilani në vendin e tretë”, u shpreh Sokoli.

Trajneri i mirënjohur tha që duhet të tregohet më shumë respekt për dy trajnerët në fjalë. /Gazeta Olle/