Kush është Adrijana Latifi, gruaja me një portofol të gjerë certifikatash kombëtare dhe ndërkombëtare për lidership e cila garon për deputete nën logon e PDK-së
Adrijana Latifi është një profesioniste me mbi njëzet vite përvojë të dëshmuar në Administratën Tatimore të Kosovës, ku ka ndërtuar një karrierë të qëndrueshme mbi integritetin, profesionalizmin dhe përkushtimin ndaj rezultateve.
Ardijana ka qenë pjesë kyçe e proceseve që lidhen me menaxhimin financiar, kontrollin tatimor, dhe procedurat ligjore që udhëheqin funksionimin e institucionit, duke mbajtur pozita të larta udhëheqëse dhe menaxheriale për shumë vite.
Gjatë karrierës së saj në Ministrinë e Financave – Administrata Tatimore e Kosovës, Adrijana Latifi ka udhëhequr ekipe, ka mbikëqyrur departamente të rëndësishme dhe ka kontribuar në zhvillimin strategjik të politikave institucionale.
Prej korrikut 2023, ajo vazhdon të jetë Udhëheqëse e Divizionit për Shërbime Mbështetëse në ATK – Gjilan, funksion që e ushtron me përgjegjësi të lartë.
Më herët ka shërbyer si Zëvendësuese e Drejtorit Rajonal, Zëvendësmenaxhere dhe Ndihmës Drejtore, duke treguar aftësi të shkëlqyera organizative dhe menaxheriale.
Përvoja e saj profesionale përfshin edhe angazhimin në OSBE – Qendra Juridike e Kosovës, ku nga viti 2002 ka punuar si trajner për profesionistët e rinj të drejtësisë, duke zhvilluar module trajnimi dhe duke udhëhequr sesione që lidhen me procedurat ligjore, etikën profesionale dhe praktikat gjyqësore.
Në rolin e saj afatgjatë në Administratën Tatimore të Kosovës – Gjilan, që nga viti 2005, Adrijana Latifi ka udhëhequr një sërë procesesh operacionale dhe administrative, me fokus të posaçëm në kontrollin tatimor, analizat financiare dhe procedurat e hetimeve.
Ajo ka luajtur një rol të rëndësishëm në forcimin e bashkëpunimit ndërsektorial dhe në rritjen e efikasitetit të proceseve, duke siguruar respektimin e plotë të kornizës ligjore.
Adrijana Latifi është e pajisur me një portofol të gjerë certifikatash kombëtare dhe ndërkombëtare, që përfshijnë lidershipin në administratë publike, negociatat me Bashkimin Evropian, metodologjitë e kontrollit financiar, shkrimin juridik, procedurat civile dhe teknikat bashkëkohore të trajnimit.
Ardijana ka ndjekur programe të shumta profesionale të organizuara nga institucione si IKT, KLC, GIZ, ABA/CEELI dhe të financuara nga BE.
Ardijana Latifi ka diplomuar në Fakultetin Juridik të Universitetit të Prishtinës, më 28 mars 2003 dhe ka përfunduar studimet e magjistraturës në Drejtimin Financiar, me fokus në të drejtën financiare, auditimin dhe sistemet e kontrollit publik.
Adrijana zotëron një gamë të gjerë aftësish teknike dhe profesionale. Është e specializuar në përdorimin e programeve të avancuara kompjuterike si Microsoft Office, QuickBooks Enterprise, programe doganore, aplikacione online dhe mjete grafike profesionale.
Aftësitë e saj kyçe përfshijnë:
• Lidershipin dhe menaxhimin e ekipeve
• Vendimmarrjen strategjike
• Njohuri të thelluara në legjislacionin tatimor
• Aftësi të shkëlqyera komunikimi dhe raportimi
• Organizimin, koordinimin dhe menaxhimin nën presion
• Analiza financiare dhe metodologjitë e kontrollit tatimor.
