Kush po i fiton milionat nga djathi i gomaricës

Një serb po fiton miliona nga djathi i gomaricës. Kilogrami i këtij djathi shitet për një mijë euro dhe vështirë gjendet.

I bardhë, i fortë dhe i pasur në aromë, djathi unik i gomarit, në Serbi, nuk është vetëm i shijshëm por edhe i mirë për shëndetin, thotë Slobodan Simic, prodhues i tij.

Ka vetëm një kleçkë, me një çmim prej 1 mijë eurosh për kilogram dhe ky mund të jetë djathi më i shtrenjtë në botë.

Që nga 2012, Simiq dhe ekipi i tij i fermerëve, kanë mjelur gomaricat që jetojnë në rezervatin natyror në Serbinë Veriore të quajtur Zasavica.

Qumështi i tyre është i ngjashëm me qumështin e gjirit dhe nga Simiq konsiderohet si një kurë për një seri sëmundjesh, përfshirë asmën dhe bronshitin.

Qumështi i gomaricave ka nivele të ulëta kaseine, një lloj proteine që vepron si një agjent thelbësor në zënien e djathit, ndaj dhe Simiq, me jo pak krenari thotë se askush tjetër në botë nuk mundet dhe nuk do të mundet të bëjë ndonjëherë djathë gomarice.