Majko paralajmëron se rezultati final në veri mund të dalë gabim
Lidhur me situatën në veri të Kosovës, sot ka reaguar edhe ish-kryeministri shqiptar Pandeli Majko.
Majko ka thënë se konflikti shqiptaro-serb është një hap larg dhe se shërbimet ruse po punojnë për ta shfrytëzuar situatën.
Ai tutje ka potencuar se këmbngulja për të bërë gjënë e duhur, në politikë, shpesh herë bëhet justifikim për rezultatin e gabuar.
“Konflikti shqiptaro-serb është një hap larg! Shërbimet ruse po punojnë nën “alibinë” e krijuar! Këmbëngulja për të bërë gjënë e duhur, në politikë, bëhet shpesh justifikim për rezultatin e gabuar!”, ka shkruar Majko në Twitter.
Kryeministri Kurti është kritikuar ashpër nga SHBA lidhur me aksionin në Veri.
Blinken ka deklaruar se veprimet e tilla do të kenë pasoja në raportet e Kosovës me SHBA.
