Maqedoni: 15-vjeçarja humb jetën nga coronavirusi

Ministria e Shëndetësisë (MSH) njoftoi se në Klinikën për Sëmundje Infektive ka humbur jetën pacientja nga fshati Sellcë e Tetovës.

“Pacientja në gjendje të rëndë shëndetësore është sjellur në Klinikën Infektive, pas 13 ditëve që ka pasur simptoma të sëmundjes. Para se të mjekohet në spital, ajo është ankuar 10 ditë”, thonë nga MSH.

Sipas raportit mjekësor, bëhet fjalë për rast të rëndë me formë të rëndë të sëmundjes, ndërsa pacientja ka qenë obeze.

“Anketa epidemiologjike është pozitive, përkatësisht sipas deklarimeve të të atit të pacientes, edhe e ëma e saj ka humbur jetën nga COVID-19”, thonë nga MSH./Telegrafi/