Mbytet edhe një pushues në Plazhin e Madh të Ulqinit

Në Plazhin e Madh të Ulqinit është mbytur edhe një pushues, pas katër të tjerëve që kanë humbur jetën deri tani, gjatë kësaj verës.

‘Vijesti’ njofton se viktima është personi me inicialet S.N. (22) nga Rozhaja.

Ekipi i Emergjencës mbërriti në vendngjarje menjëherë pas njoftimit, mirëpo reanimimi, për fat të keq, ishte i pasuksesshëm.

Kjo është viktima e pestë në Plazhin e Madh në tre javët e fundit. /Mediafokus.info