Meliza kërkon mbrojtje për Radën: Ajo po kërcënohet sepse e tha të vërtetën
Ish-kryediplomatja kosovare, Meliza Haradinaj-Stublla ka thënë se Qeveria e Kosovës duhet t’i ofrojë menjëherë mbrojtje të armatosur 24 orë politikanes serbe, Rada Trajkoviq.
“E VËRTETA nga Rada Trajkoviq: “Vuçiq dhe kreu i mafies veriore të Kosovës vendosën që serbët të largohen nga institucionet e tyre legale dhe legjitime, në mënyrë që bandat mafioze ta kontrollojnë veriun. Qeveria e Kosovës duhet t’i ofrojë menjëherë mbrojtje të armatosur 24 orë Radas pas kërcënimeve publike me jetë të Sheshelit ndaj saj!”, ka shrkuar ajo.
Trajkoviq së fundmi i shprehu në një intervistë komentet për situatën në veri të Kosovës.
“Presidenti i shtetit me kreun e mafies për veriun e Kosovës merr vendim që serbët të largohen nga institucionet legale dhe legjitime, që policia e armatosur ligjërisht dhe legjitime të largohet nga pozitat e veta dhe që në thelb, veriu i Kosovës në këtë moment është i kontrolluar nga mafia”, ka thënë Trajkoviq.
