Milan Radojiçiq lirohet nga burgu, i ndalohet hyrja në Kosovë

Milan Radojiçiç është liruar nga burgu, ende pa mbushur 24 orë. Mësohet se atij i ndalohet hyrja në Kosovë dhe largimi nga shteti serb.

Gjykata në Serbi ka refuzuar kërkesën e Prokurorisë për caktimin e paraburgimit për Milan Radojiçiçin, shkruajnë mediat serbe.

Sipas këtij vendimi, Radojiçiç “s’ka të drejtë të futet në Kosovë dhe të largohet nga Serbia pa miratim të Gjykatës“.

Ai gjithashtu është i detyruar të paraqitet në komisariat në datat 1 dhe 15.

Gjithashtu, atij i është konfiskuar pasaporta serbe dhe i është tërhequr vërejtja se mund të ndalohet nëse shkel ndonjërën nga këto masa dhe obligime. /abcnews.al