Moti: Ftohtë edhe sot, nga nesër fillon ngritja e temperaturave

Instituti Hidrometeorologjik i Kosovës ka njoftuar se dita e shtunë do të karakterizohet me mot me diell dhe vranësira të çrregullta.

Temperaturat minimale do të lëvizin rreth zeros, ndërsa maksimalet do të shënojnë një rritje të lehtë

Në viset e larta, temperaturat do të ulen rreth -3 gradë Celsius.

Të dielën parashihet mot me diell dhe vranësira të cilat në pjesën e dytë të ditës mund të sjellin shi.

Temperaturat minimale do të shënojnë rritje të lehta, ndërsa maksimalet e ditës do të shkojnë në 10 gradë Celsius.

Do të fryjë erë kryesisht nga jugperëndimi dhe veriperëndimi, me shpejtësi 1-8m/s.