Motra rrah motrën – intervenon Policia
Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhune psikike e fizike nga bashkëshortët e tyre dhe anëtarët tjerë të familjes, raporton Gazeta Sinjali.
Ndihmën e Policisë e ka kërkuar së fundi një grua në Prishtinë, pasi e njëjta është dhunuar fizikisht nga motra e saj.
Burimet e Gazetës Sinjali brenda Prokurorisë kanë bërë me dije se pas një konflikti me motrën e saj, 46-vjeçarja është sulmuar fizikisht.
Si rezultat i denoncimit, e dyshuara është shoqëruar në stacion policor për intervistim.
Me urdhër të prokurorit, ndaj 38-vjeçares është iniciuar rasti për veprën penale ‘Dhunë në familje’.
