Ndahet nga jeta burri i urtë Miftar Gashi, ish-luftëtar i UÇK-së

Ka ndërruar jetë ish-luftëtari i UÇK-së, veterani Miftar Gashi. Lajmin e ka dhënë Ramush Haradinaj, përmes një postimi në rrjetet sociale.

Haradinaj i ka shprehur ngushëllime, familjes Gashi, bashkëluftëtarëve të tij dhe të gjithë atyre që e njohën.

“Burrë i urtë, i dashur e i afërt me të gjithë, luftëtar i ditëve të para, udhëheqës i luftës, ai vazhdoi kontributin e tij edhe pas çlirimit në shtetndërtimin e vendit” shkruan Haradinaj në letrën e tij të ngushëllimit.

Postimi i plotë:

Sapo mora lajmin e hidhur që ka ndërruar jetë bashkëluftëtari im Miftar Gashi.

Burrë i urtë, i dashur e i afërt me të gjithë, luftëtar i ditëve të para, udhëheqës i luftës, ai vazhdoi kontributin e tij edhe pas çlirimit në shtetndërtimin e vendit.

Shpreh ngushëllime për familjen Gashi, fshatin Buçan, bashkëluftëtarët dhe të gjithë ata që e njohën.

Pusho në paqe Miftar! / RH