Ndahet nga jeta Dr. Refik Ramku, kishte punuar edhe në Gjilan

Është ndarë nga jeta Prof. Dr. Refik Ramku. Njoftimin e ka dhënë Oda e Mjekëve.

Prof. Dr. Refik Ramku përfundoi studimet në universitetin e Beogradit në vitin 1968.

Specializimin për otorinolaringolog e përfundoi gjithashtu në Fakultetin e Mjekësisë, në Beograd.

Ndërsa doktoratën e përfundoi në Fakultetin e Mjekësisë, Universiteti i Prishtinës, në vitin 1986.

Dr. Ramku punoi fillimisht në Strugë dhe Gjilan, duke u zhvendosur më pas në Prishtinë ku edhe hapi klinikën e tij.

Oda e Mjekëve të Kosovës i shpreh ngushëllimet më të sinqerta familjarëve, miqve dhe kolegëve të tij.