Ndahet nga jeta gazetarja Shukran Nobërdali-Qyqalla

Është ndarë sot nga jeta gazetarja e RTK-së, Shukran Nobërdali-Qyqalla. Ajo kishte një kontribut të çmuar në gazetarinë kosovare.

Shukran Nobërdali-Qyqalla ishte pjesë e RTK-së që nga themelimi, më 1999, ku për vite me radhë ishte e angazhuar në redaksinë informative si gazetare.

Ajo njihej gjithashtu si autore dhe udhëheqëse e emisionit për shëndetësi “Medika”, të cilin e realizoi me përkushtim për më shumë se dy dekada.

Kolegët dhe bashkëpunëtorët e saj e vlerësojnë për profesionalizmin, përkushtimin dhe kontributin e vazhdueshëm në informimin publik.

Varrimi bëhet nesër (e enjte) në orën 13:00, në varrezat e qytetit në Dragodan të Prishtinës.