Ndahet nga jeta mjekja Lumnije Shala

Ka ndërruar jetë specialistja e Mjekësisë Familjare në pension, Lumnije Shala, një mjeke me vlera të larta humane e profesionale.

Njoftimin e ka dhënë Oda e Mjekëve të Kosovës. Sipas Odës, Shala ka lindur në Mitrovicë në vitin 1954 ndërsa kishte kryer studimet në degën për mjekësi familjare.

“Ishte mjeke me vlera të larta humane, profesioniste e dalluar dhe e përkushtuar, gjithashtu kolege e respektuar për të gjithë”, është thënë nga Oda e Mjekëve të Kosovës në një postim në Facebook.

Shkrimi i plotë:

Ndërron jetë Dr. Lumnije Shala- specialiste e Mjekësisë Familjare (në pension), e cila për dekada shërbeu në QKMF-në e komunës së Prishtinës.

Dr. Lumnjie Shala lindi në Mitrovicë, në vitin 1954, ndërsa ajo kreu studimet në degën për mjekësi familjare, në Fakultetin e mjekësisë dhe specializimin në fushën e mjekësisë së përgjithshme, në vitin 1988.

Ishte mjeke me vlera të larta humane, profesioniste e dalluar dhe e përkushtuar, gjithashtu kolege e respektuar për të gjithë.

Ngushëllime familjarëve dhe kolegëve!