Ndahet nga jeta në moshën 55-vjeçe, Halil Xhelili

Ka ndërruar jetë në moshën 55-vjeçare Halil Xhelili, punëtor i gjimnazit ‘Zenal Hajdini’ në Gjilan.

Njoftimin e kanë dhënë familjarët, të cilët njëherësh kanë njoftuar se varrimi bëhet nesër, kurse të pamet mbahen nga e shtuna deri të hënën.

Zëvendësdrejtori i gjimnazit, Nexhat Buzuku ka bërë një dedikim për kolegun Halil Xhelili.

‘Sot me pikëllim të thellë mësuam për vdekjen e shokut tonë, Halil Xhelilit

Jemi shumë të trishtuar për vdekjen e shokut tonë.

Ne e kishim të vështirë ta pranonim lajmin për vdekjen e Halilit.

Ne vajtojmë thellë vdekjen e Halilit. Për ne, ai ishte gjithmonë një shembull i ndjeshmërisë, vëmendjes ndaj të tjerëve.

Dallohej për tipare pozitive, komunikues dhe plot jetë.

Është një goditje e rëndë për ne largimi i Halilit nga kjo botë.

Ai në të gjallë shërbeu si model frymëzimi me batutat, me leximet, me fragmentet nga romanet që lexonte vazhdimisht.

Është e vështirë të besohet se ai tashmë është shuar dhe nuk do të jetë në mesin tonë.

Q’i duhen vdekjes njerëz që e duan jetën, që i duhen jetës, sikur Halili ynë, shoku ynë i punës.

Ngushëllime të sinqerta familjes dhe shokëve të tij të punës!

U prehtë në paqen e pasosun të yllsisë!’ – ka shkruar Buzuku.

Halil Xhelili la pas vete bashkëshorten dhe dy fëmijë. /Mediafokus.info