Ndalohet nga policia kosovare një veturë e vjedhur në vitin 2019

Një veturë e tipit Land Rover është konfiskuar nga policia kosovare në Vërmicë, pasi ka rezultuar e vjedhur në vitin 2019, në Shqipëri.

‘Në Pikën e Kalimit Kufitar në Vërmicë, në hyrje nga territori i Republikës së Shqipërisë, më 01.06.2022 rreth orës 19:20 vije vetura Land Rover me targa të Shqipërisë e cila drejtohej nga: B.K. (viti i lindje 1999), shtetas i Shqipërisë.

Kjo veturë është dërguar për kontrollim në ‘vijën e dytë’ dhe gjatë procedurave identifikuese e kontrolluese nga zyrtarë policorë të PK-së dhe zyrtarë nga FRONTEX-i të cilët janë me mision në Vërmicë, është ardhur në përfundim se vetura në fjalë rezulton e vjedhur në vitin 2019 në Shqipëri.

Për rastin është njoftuar prokurori kujdestar, është iniciuar rasti penal, është konfiskuar vetura dhe rasti do të vazhdojë të trajtohet në procedurë të rregullt’, thuhet në njoftimin e policisë.