Ndihmat nga ajri, pesë të vdekur dhe disa të lënduar në Gaza
Paketat e ndihmave të hedhura nga qielli ranë mbi personat në kampin Al Shati, në perëndim të qytetit të Gazës, incident që ka lënë të vdekur të paktën pesë persona dhe dhjetëra të tjerë janë lënduar, transmeton albinfo.ch.
Sipas raportimeve, deri më tash nuk është mundur të konfirmohet se cili komb qëndron pas ndihmave ajrore, shkruan CNN.
Muhammad Al-Sheikh, Shefi i Departamentit të Kujdesit Emergjent në Kompleksin Mjekësor Al Shifa në qytetin e Gazës konfirmoi se pesë persona kanë vdekur në incident dhe sipas tij, disa nga të plagosurit në incident janë transferuar në spitalin Al Shifa dhe janë në gjendje të rëndë.
