Në Gjilan arrestohet një person i kërkuar me urdhëresë gjyqësore

Policia në Gjilan, Stacioni Policor Kamenicë me datën 07.08.2023 në kuadër të planit operativ për realizim të urdhëresave gjyqësore ka arrestuar personin kërkuar S.R. (viti i lindjes 1982, mashkull kosovar shqiptar).

Ai kërkohej në bazë të urdhëresës së lëshuar nga Gjykata Themelore për vuajtje të dënimit me burg në kohëzgjatje prej tetë (8) muajsh, për veprën penale ,,Dhunë në familje’’.

I njëjti pas përfundimit të procedurave është dërguar në vuajtje të dënimit, thuhet në njoftim.