Në konventën që po merrë pjesë Kurti është i ftuar edhe Alush Gashi i LDK’së
Gjatë mbrëmjes pati një përpjekje propagandistike që pjesëmarrjen e Kurtit në konventën e demokratëve në SHBA ta paraqesin si tejet të rëndësishme.
Si vizitë që dëshmon raportet e mira SHBA-Kosovë.
Mirëpo Kurti nuk është i ftuar aty si kryeministër. Është i ftuar si përfaqësues i një partie politike.
Aty gjendet edhe Alush Gashi i LDK’së, i ftuar si përfaqësues i kësaj partie politike.
Faktin që vizita e Kurtit atje nuk është e rëndësishme e pati konfirmuar më herët edhe ambasadori Hovenier
Ambasadori i Shteteve të Bashkuara të Amerikës në Kosovë, Jeffrey Hovenier, javën e kaluar, kishte deklaruar se kryeministri i Kosovës, Albin Kurti, nuk ka marrë ftesë nga Qeveria Amerikane, por nga Instituti Kombëtar Demokratik (NDI).
“Sa e di unë, kryeministri Kurti planifikon të marrë pjesë në Konventën Kombëtare Demokratike me ftesë të Institutit Kombëtar Demokratik (NDI – National Democratic Institute). Por, të jemi të qartë, kjo nuk është ftesë nga Qeveria amerikane. Partia Demokratike është një parti politike në Shtetet e Bashkuara. NDI-ja është krah i Partisë Demokratike që punon në ndërtimin e partive dhe institucioneve demokratike jashtë vendit”, kishte deklaruar ambasadori Hovenier.
Tutje, Hovenier po ashtu kishe thënë se Kurti nuk ishte ftuar si kryeministër i Kosovës por në cilësinë e kryetarit të një partie.
“Pra, kryeministri është ftuar nga NDI-ja, besoj në cilësinë e tij si kryetar i një prej partive të Kosovës, ashtu siç NDI-ja i ka ftuar edhe kryetarët e partive tjera të Kosovës”, ka thënë ndër tjerash ambasadori amerikan.
