Në rrugën Prishtinë-Ferizaj, në zonën ku pati vërshime, janë gjetur disa targa të automjeteve

Policia e ka Kosovës ka njoftuar se si pasojë e vërshimeve, një numër automjetesh i kanë humbur targat.

Policia i ka ekspozuar përmes një foto targat e gjetura, mbi 25 sosh dhe i ka ftuar pronarët që të paraqiten për t`i marrë.

Mes tyre ka nga Prishtina, Mitrovica, Gjilani, po edhe të shtetve të jashtme.

Njoftim i Policisë:

Njoftohen qytetarët, se në zonën që kishte vërshime, në rrugën Prishtinë -Ferizaj, saktësisht në afërsi të Prishtina Mall, janë gjetur disa tabela të automjeteve, të cilat janë dorëzuar në Stacionin Policor në Graçanicë.

Andaj, ftohen pronarët e këtyre tabelave që të paraqiten në këtë stacion policor për tërheqjen e tyre.

Faleminderit për bashkëpunim.