‘Nëse vlera e njeriut do të matej me dukat, Baba jem e kish kalu 24 karatshin’

Abdylhaqim Ismaili, afarist, politikan e vendimmarrës i njohur në Gjilan, ishte një zë unifikues në shoqërinë e këtushme.

Në përvjetorin e ditëlindjes, atë e ka rikujtuar me fjalë mallëngjyese e bija e tij, Bediaja.

‘Nëse vlera e njeriut do të matej me dukat, Baba jem e kish kalu 24 karatshin’, ka shkruar ajo.

Abdylhaqim Ismaili, së fundi ka qenë zëvendëskryesues i Kuvendit Komunal dhe themelues i Lidhjes Demokratike Turke.

Ai vinte nga sfera e biznesit. Një kohë ka qenë drejtor gjeneral në ndërmarrjen “Morava e Binçës”.

Paraprakisht, para luftës ka themeluar dhe udhëhequr ndërmarrjet “Groting” dhe “Omega”.

Abdylhakimi ka dhënë kontribut të çmuar me iniciativa e veprime konkrete.

Ka ndihmuar qytetarët e të gjitha etniteteve.

Abdyli ka punuar shumë për Gjilanin, si në planin ekonomik, ashtu edhe në atë politik.

Ka ndihmuar e përkrahur financiarisht aktivitetet në sferën e kulturës, sportit dhe i ka ndihmuar nxënësit me pajisje shkollore.

Abdylhakim Ismajli ishte njeri karizmatik, i hareshëm dhe humanist. /Mediafokus.info