Nevzadi (VV) tërhiqet edhe nga pozita e asamblistit komunal

Ish-kryetari i degës së Lëvizjes Vetëvendosje ne Gjilan, Nevzad Isufi, ka dhënë dorëheqje nga të gjitha funksionet e tij në degën e kësaj partie në Gjilan, duke filluar nga kryetari e deri tek pozita e asamblistit komunal.

Këtë për klankosova.tv e ka konfirmuar vetë Isufi duke thënë se arsyet që kanë çuar deri në dorëheqje janë personale, por jo vetëm personale dhe për këtë duhet të pyetet edhe Lëvizja Vetëvendosje.

“Po, është e vërtetë, kam dhënë dorëheqje nga kryetari i degës së Vetëvendosjes në Gjilan. Arsyet i kanë strukturat e Lëvizjes. Ka arsye personale por nuk janë të vetme. Por, mund ta konfirmoj që kam dhënë dorëheqje nga të gjitha pozitat, prej kryetarit, anëtarit të Këshillit të Përgjithshëm e deri tek asamblisti”, është shprehur Isufi.

Ai ka thënë se në Lëvizjen Vetëvendosje do të vazhdojë të kontribuojë vetëm si anëtar i thjeshtë.