Nga 2 marsi, Kosova nuk është duke marrë energji elektrike nga Shqipëria

Sidoqoftë, këtyre ditëve konsumi i Kosovës po furnizohet kryesisht nga prodhimi vendor që siguron rreth 780 megavatë-orë rrymë.

Skender Bucolli, zëdhënës i Korporatës Energjetike të Kosovës, i ka thënë sot Buletini Ekonomik se aktualisht në prodhim gjenden katër termocentrale, të cilat prodhojnë rreth 760-780 megavatë-orë energji.

Kësaj sasie të energjisë elektrike të prodhuar nga TC-të, duhet shtuar plus një sasi simbolike, diku rreth 50-60 megavatë-orë të energjisë së rinovueshme që prodhohet në vend.

Nuk njoftohet nga KEDS-i se sa janë nevojat për të importuar këtyre ditëve, akoma me temperature relativisht të ulëta gjatë natës.

Prandaj, kursimi i rrymës dhe ulja e shpenzimit janë të domosdoshme dhe alternativat sa i përket sigurimit të energjisë elektrike të munguar.

Kosova nuk ka zgjidhje tjetër edhe në ditët në vijim, pos reduktimeve të kushtëzuara, kursimit të domosdoshëm të gjithsecilit konsumatorë./Buletini Ekonomik