Një grua gjendet e vdekur në lumin Ibër
Një grua e moshuar e cila rezultoi e zhdukur mbrëmë në Zubin Potok është gjetur sot rreth orës 10:30 në lumin Ibër, pa shenja jete, ka konfirmuar policia.
Një trup i pajetë është gjetur në lumë afër stadiumit në Zubin Potok.
Bëhet fjalë për një 86-vjeçare, zhdukja e së cilës u raportua mbrëmë rreth orës 19 nga familjarët e saj.
Që atëherë, policia dhe zjarrfikësit ishin në kërkim të saj përgjatë lumit Ibër.
Ata u çuan në kërkim në lumë për faktin se gjetën shkopin e përdorur nga e moshuara pranë lumit.
