Një muaj paraburgim për serbin që dyshohet se planifikonte vrasje në Fushë Kosovë
Gjykata Themelore në Prishtinë ia ka caktuar masën e paraburgimit prej një muaji shtetasit serb që u arrestua të enjten në Fushë Kosovë.
Ai dyshohet për veprat penale “Përgatitje e veprës penale vrasje”, “Prezantim i rremë si person zyrtar” dhe “Mashtrim”.
Këtë e ka bërë të ditur zëdhënësja e Gjykatës Themelore në Prishtinë, Mirlinda Gashi.
“Gjykata Themelore në Prishtinë, Departamenti për Krime të Rënda ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit në çështjen penale kundër të pandehurit R.B, për shkak të dyshimit të bazuar se ka kryer veprat penale Përgatitja e veprës penale Vrasje, Prezantimi i rremë si person zyrtar dhe veprën penale Mashtrimi.
Gjyqtari i procedurës paraprake ka aprovuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit R.B, ashtu që të njëjtit i caktohet masa e paraburgimit në kohëzgjatje prej 1 (një ) muaji.”
