Një qytetar vdiq pasi dyshohet se aksidentalisht ra në lumë afër pikës kufitare “Dheu i Bardhë”

Një 69-vjeçar nga Ferizaj ka vdekur pasi dyshohet se ka rënë në lumin Morava afër Pikës Kufitare “Dheu i Bardhë”.

I ndjeri, ishte nisur bashkë me djalin dhe vajzën e tij me veturë në drejtim të pikës kufitare “Dheu i Bardhë”.

“Policia e Kosovës, SP Ranilluk ka njoftuar se kanë marrë një informatë se një person mashkull shqiptar shtetas i Kosovës (1955) nga Ferizaji dyshohet se ka rënë në lumin Morava afër Pikës Kufitare “Dheu i bardhë’”. Sipas informatave të para i ndjeri së bashku me fëmijët e tij (djalin dhe vajzën) me veturë ishin nisur në drejtim të PK “Dheu i bardhë”. Në afërsi të parkingut afër pikës kufitare viktima është afruar afër lumit  dhe dyshohet se ai aksidentalisht ka rënë në lum”, ka thënë Hashani.

“Në lidhje me rastin janë njoftuar të gjitha njësite përkatëse të cilat janë marrë me rastin. Për rastin është njoftuar prokurori i shtetit i cili ka urdhëruar që trupi i pajetë të dërgohet në IML në Prishtinë. Rethanat e rastit po hetohen nga Policia e Kosovës – hetimet rajonale në Gjilan”, përfundoi ai.