Rasti ndodhi në orët e para të mëngjesit të ditës së djeshme, kur një shtetas i Izraelit derisa ishte në lëvizje me veturën e tij shkaktoi aksidentin, duke goditur një veturë tjetër.

Sinjali merr vesh se shoferja e veturës tjetër pësoi lëndime trupore dhe u dërgua në Emergjencë për trajtim mjekësor, ndërsa u shkaktuan edhe dëme të mëdha materiale.

Bazuar në informacionet e para, shoferi i dyshuar që voziste një veturë të tipit ‘Bentley’ si pasojë e mosrespektimit të rregullave, ka përplasur veturën e viktimës.

Policia ka kryer ekzaminimet e nevojshme në vendin e ngjarjes dhe lidhur me rastin është vënë në dijeni edhe Prokurori i Shtetit.

Me vendim të tij, i dyshuari është dërguar në mbajtje për 48 orë. (foto ilustrim)