‘O vëlla jam shqiptar’ i sjellë çmim në Turqi Shyhrete Behlulit
Në Turqi është mbajtur ceremonia e ndarjes së çmimeve nga televizioni Rumeli “Rumeli Best Of” për artistët të cilët veprojnë dhe jetojnë në Turqi, por kanë prejardhje nga Ballkani.
Nga Kosova në këtë ceremoni morën pjesë, Shyhrete Behluli dhe vajza e saj Engji.
Për portalin rtv21.tv Shyhretja ka treguar se qëllimi i kësaj ftese ishte prezantimi i saj me këngën kushtuar shqiptarëve të Turqisë, të cilin e ka sjellë në bashkëpunim me këngëtarin turk me prejardhje shqiptare, Sinan Akçıl, në vitin 2020.
“Televizioni Rumeli ka nda çmime, mirënjohje për artiste të cilët veprojnë dhe jetojnë ne Turqisë kanë prejardhje nga Ballkani, njëkohësisht kane thirr edhe mysafirë edhe të Ballkanit, prej Kosovës me kanë thirrur mua edhe Engjëllushen, qëllimi ka qenë që unë të prezantohem me këngën që e kam me Sinan Akçıl që e kam për shqiptarët e Turqisë, po ashtu edhe një performancë me Engjin dhe kemi marrë atë çmim që e kanë marrë edhe aktorët tjerë”, ka thënë Shyhretja.
“Jam Shqiptar” deri tani në YouTube numëron mbi 6 milionë klikime.
