Opozitar, por zë i qytetarëve

Këshilltari Shefik Surdulli (PDK) po bëhet shembull konkret i bashkëpunimit me pozitën për interesa të qytetarëve të Gjilanit.

Ai sot ka shoqëruar në takimin me nënkryetarin e Komunës, një grup të qytetarëve, të cilët kanë problem me ujërat e zeza.

Njoftimin e ka postuar vetë nënkryetari Arbër Ismajli në profilin e tij:

Këshilltari komunal i Gjilanit z.Shefik Surdulli së bashku me një pjesë të banorëve të rrugës “Metush Krasniqi” ishte në vizitë për t’i dalë në krahë në zgjidhjen e një problemi që kanë këta banorë rreth ujërave të zeza.

Ne u zotuam ta fusim në planin e prokurimit për vitin 2020 dhe në pranverë të intervenojmë në sanimin e këtij problemi për banorët e kësaj lagjje!

Përgëzoj Shefikun për angazhimin e tij serioz për t’i dalë në krahë banorëve të rrugës ” Metush Krasniqi”.

Bashkëpunimet e tilla pozitë-opozitë janë në interes të ndërtimit dhe rregullimit të jetës publike të të gjithë qytetarëve.

Bashkë me suksese të reja, ka shkruar Ismajli./mediafokus/