Osmani për dënimin e Krivaqës dhe Sejdiut: Le të jetë mesazh për ata që zgjedhin dhunën ndaj grave si mjet

Presidentja e Republikës së Kosovës, Vjosa Osmani, ka reaguar pas shpalljes së aktgjykimit dënues ndaj Dardan Krivaqës dhe Arbër Sejdiut, të akuzuar për vrasjen e 18-vjeçares Marigona Osmani në Ferizaj.

Përmes një postimi në rrjetin social Facebook, Osmani ka thënë se autorët e femicidit meritojnë dënim kapital, teksa tha që ky duhet të jetë një mesazh për të gjithë ata që zgjedhin dhunën ndaj grave si mjet.

Postimi i plote i Presidentes Osmani:

Autorët e femicidit meritojnë dënim kapital. Ashtu siç u dënua sot vrasësi e torturuesi i Marigona Osmanit.

Le të jetë ky një mesazh për të gjithë ata që zgjedhin dhunën ndaj grave si mjet.

Dhuna nuk do të tolerohet!

Femicidi do të ndalet!