Pacolli (LDK): Vëllai i deputetes Fitore Pacolli ka marrë 100 mijë euro grant nga Ministria e Bujqësisë

Anëtari i Lidhjes Demokratike të Kosovës, Egzon Pacolli, sekretar i Përgjithshëm i Forumit të Rinisë, ka publikuar një video në profilin e tij në ‘facebook’ ku thotë se vëllai i deputetes Fitore Pacolli është shpërblyer me një grant prej 100 mijë euro nga Ministria e Bujqësisë.

Pacolli ka publikuar edhe dokumente të dhënies së grantit nga Ministria e Bujqësisë.

Ai ka rikujtuar edhe fjalimin e Kurtit ku thoshte se familjarët janë vetëm për dasma dhe ka bërë thirrje që Prokuroria të merret me rastin.

“Familjarët janë veç për dasma, thoshte Lëvizja Vetëvendosje para se me ardhë në pushtet. Ama, deputetja Fitore Pacolli e ka shpërbly vëllaun me grant gati 100 mijë euro, prej ministrisë së bujqësisë”, ka shkruar ai.