Pacolli nuk certifikohet si kandidat për Prishtinën

27/08/2021 - 15:0727/08/2021 mediafokus

Selim Pacolli nuk do të certifikohet nga KQZ për të garuar për të parin e Prishtinës, shkaku i deklarimit me vonesë të pasurisë në vitin 2019.

Njoftimin e ka dhënë vetë Pacolli.

“Sapo morra lajmin se KQZ nuk do ta certifikoj kandidaturën time për kryetar të Prishtinës.

Kjo si pasojë e një aktvendimi të vitit 2019, ku unë kam bërë deklarimin e pasurisë 48 orë pas përfundimit të afatit ligjor për deklarim (përfshirë ditët e vikendit).

Me saktë, afati ishte të premten, ndërsa deklarimi të hënën, në orën 8:00 të mëngjesit në prezencën time fizike.

Kjo vonesë ka ndodhë si pasojë e udhëtimit tim për çështje shëndetësore jashtë vendit.

Edhe pse në esencë ky është një vendim arbitrar dhe i palogjikshëm, vendimet e gjyqësorit janë të shenjta dhe të padiskutueshme.

U betohem që edhe pse nuk do të jem zyrtarisht kandidat për kryetar të Prishtinës, dëshira dhe angazhimi im për qytetarët e Prishtinës është edhe më i madh.

Unë do të ju qëndroj besnik dhe do t’i mbështes në çdo hap të gjithë kandidatët e listës sonë për kuvendin komunal e në veçanti kandidatin e subjektit tim – AKR për kryetar të Prishtinës.

Ju siguroj se zotimi im për qytetarët është po aq i vlefshëm dhe nuk do të abstenojë, por do të vazhdoj angazhimin tim sikurse para marrjes së këtij lajmi.

Do të vazhdoj implementimin e të gjitha projekteve të planifikuara për këtë mandat dhe projektet e parapara për mandatin vijues, e që janë jetike për qytetin tonë”, përfundon Pacolli.

NDAJENI KËTË ME TË TJERËT:

Të ngjashme

Zhvillime interesante në PDK-në e Drenasit, Lladrovci thotë se s’ka kush që e heq nga kandidimi

Ganimete Musliu do t’i nënshtrohet një operimi në zemër

Dy të burgosur arratisen nga Qendra Korrektuese në Lipjan