Parashikimi i motit për ditën e sotme
Sot parashikohet të mbajë mot me vranësira dhe intervale me diell, ku herë pas here do të ketë rrebeshe lokale shiu, të shoqëruara me shkarkesa rrufesh, veçanërisht gjatë orëve të pasditës.
Disa stuhi do të prodhojnë edhe breshër.
Era do të fryjë drejtimesh të ndryshme, e cila në momente të caktuara pritet të jetë mjaft e fuqishme, me shpejtësi prej 10-60 km/h, raporton MeteoKosova.
Temperaturat minimale do të lëvizin nga 8 deri në 10°C, ndërsa ato maksimale nga 16 deri në 21°C.
