Peci shkarkon këshilltarin, u dënua për falsifikim votash
Ministri i Bujqësisë, Faton Peci, ka shkarkuar këshilltarin e tij politik, Enis Osmani, pasi ai është dënuar për falsifikim votash.
Osmani u dënua me 1 mijë e 500 euro gjobë teksa edhe e pranoi fajësinë për falsifikim të rezultateve të votimit, njofton Klankosova.tv.
“Shumë shkurt, personi në fjalë nuk do të jetë pjesë e kabinetit prej muajit të ardhshëm”, tha Peci në konferencë për media pas mbledhjes së qeverisë.
Më 24 janar të këtij viti, Gjykata Themelore në Mitrovicë e shpalli fajtor Enis Osmanin për “falsifikim të rezultateve të votimit” të vitit 2017.
