Penelope Cruz (50 vjeç) tregon sekretin e bukurisë
Ky vit i është dedikuar me gjithë dashurinë dhe fuqinë grave të Hollywood që janë mbi të 50-tat dhe çdo ditë na surprizojnë me pamjen e tyre krejt të kuruar e të pandryshuar si para shumë vitesh.
Një prej tyre është Penelope Cruz, e cila sipas Daily Mail është “fiks si sirenat”, e bukur dhe e re në të 50-tat njësoj sikur të ishte akoma 30 vjeç.
Por cili është sekreti i bukurisë për aktoren e njohur?
Në një intervistë për Elle, ajo vetë ka zbuluar se fiksimi më i madh i bukurisë për të janë hormonet bio-identike. “Në mënyrë të vazhdueshme lexoj për ushqimet, çfarë duhet të ha, apo si më reagojnë hormonet. Kam mësuar nga shumë doktorë dhe jam e lumtur për këto”, tha aktorja.
Penelope Cruz e kombinon ushqimin e mirë me kremra fytyre dhe aktivitet fizik 4 herë në javë. Ajo fle tetë orë gjumë dhe gjithmonë në orarin e njëjtë.
Oprah Winfrey e ka promovuar po ashtu shpesh këtë terapi në blogun e saj.
Këto hormone bio-identike janë të ngjashme me ato që prodhon vetë trupi dhe përdoren si terapi zëvendësuese (në teori) natyrale. Por këto hormone ekzistojnë edhe të krijuara në mënyrë kimike.
Studiuesit nuk janë shumë të bindur për përdorimin e tyre, pasi nuk ka mjaftueshëm studime për efektet anësore.
