Përfundon aksioni në Ministrinë e Bujqësisë, arrestohen shtatë persona

Policia e Kosovës ka përfunduar aksionin te Agjencia për Zhvillimin e Bujqësisë, ku ka arrestuar shtatë zyrtarë të kësaj agjencie.

Arrestimi i tyre është bërë në kuadër të aksionit të Drejtorisë për Hetimin e Krimeve Ekonomike me Prokurorinë, i cili po zhvillohet në disa qytete të Kosovës.

Aksioni është zhvilluar nën dyshimet për marrje ryshfeti në ndarje të subvencioneve, raporton express.

Ndryshe, Ministri i Bujqësisë, Faton Peci, ka paralajmëruar mbrëmë se prokuroria dhe organet e ndjekjes nuk do të ndalen deri në zbardhjen e rasteve abuzive në ministrinë që drejton.