Për të ndarë termin për vaksinim kundër COVID-19, ju duhet të jeni regjistruar në platformën eKosova. Linku për regjistrim: https://ekosova.rks-gov.net/Security/Registration).

Pas regjistrimit me sukses në platformën eKosova, ju duhet të ndani terminin për vaksinim.

I. Mënyra për të ndarë termin për vaksinim kundër COVID-19 është kjo:

Hapi 1

Pasi të keni hapur platformën eKosova duhet të klikoni mbi vegzën me emërtimin “Shërbime”.

Hapi 2

Pasi të hapet dritarja e re, duhet të klikoni mbi “Shëndetësia”.

Hapi 3

Pasi të hapet dritarja e re, duhet të klikoni mbi “Ndaj termin për vaksinim kundër COVID-19”.

Hapi 4

Vendoset tiku mbi fushën “Keni sëmundje kronike?” nëse aplikuesi ka sëmundje kronike. Zgjedhet data e vaksinimit si dhe koha e vaksinimit.

Hapi 5

Shtypni butonin “Ndaj terminin”.

SQARIM: Pas përfundimit të këtyre hapave, ju do të pranoni një SMS në numrin tuaj të telefonit me të cilin jeni regjistruar në eKosova, përmes të cilit konfirmohet termini juaj i vaksinimit.

II. Mënyra për të ndarë termin për vaksinim kundër COVID-19 për persona të tjerë:

(Një person mund të caktojë termine për- deri në 5 persona të tjerë)

Hapi 1

Pasi të keni hapur platformën eKosova duhet të klikoni mbi vegzën me emërtimin “Shërbime”.

Hapi 2

Pasi të hapet dritarja e re, duhet të klikoni mbi “Shëndetësia”.

Hapi 3

Pasi të hapet dritarja e re, duhet të klikoni mbi “Ndaj termin për vaksinim kundër COVID-19 për persona tjerë”.

Hapi 4

Plotësohet fusha “Numri personal i aplikuesit” dhe fusha “Numri i telefonit të aplikuesit” dhe vendoset tiku mbi fushën “Keni sëmundje kronike?” nëse aplikuesi ka sëmundje kronike dhe klikoni mbi butonin “Kërko”.

Hapi 5

Nëse numri personal që ju keni vendosur është i saktë, atëherë duhet të zgjedhet data e vaksinimit si dhe koha e vaksinimit.

Hapi 6

Shtypni butonin “Ndaj terminin”.

/Mediafokus.info/