Po i vendoste eksploziv një veture, i plas në dorë lënda dhe i merr jetën 24-vjeçarit

Një ngjarje e rëndë ka ndodhur në Elbasan, ku një 24-vjeçar ka humbur jetën pasi i shpërtheu lënda plasëse që po ia vendoste një mjeti në lagjen “Shënkoll”, raporton panorama.al

Viktima raportohet se po vendoste eksplozivin në automjetin tip “Volkswagen”, në pronësi të shtetasit R. Ç., rreth orës 04:10.

Por, lënda plasëse i ka shpërthyer dhe 24-vjeçari ka mbetur i dëmtuar. Ai është transportuar në spital dhe ka humbur jetën si pasojë e plagëve të marra.

Grupi hetimor po punon për zbardhjen e ngjarjes.

Njoftimi i policisë: 

Informacion paraprak

Rreth orës 04:10, në lagjen “Shënkoll”, dyshohet se një shtetas rreth 24 vjeç, duke vendosur lëndë eksplozive në automjetin tip “Volkswagen”, në pronësi të shtetasit R. Ç., lënda eksplozive ka shpërthyer dhe për pasojë 24 vjeçari është dëmtuar dhe transportuar në spital. Si pasojë e plagëve të marra 24-vjeçari ka humbur jetën në spital.

Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e ngjarjes.