Policia në aksion për lirimin e trotuareve nga ndalesat dhe parkingjet ilegale të taksive

Drejtoria Rajonale e Policisë në Gjilan, Njësiti Rajonal i Komunikacionit Rrugor, sot datën 28.09.2022 në kuadër të planit operativ ,,Siguria në trafikun rrugor’’ ka ndërmarrë veprime shtesë dhe do të vazhdojë edhe me tej, me qëllim të krijimit të kushteve sa më të mira të qarkullimit të pjesëmarrësve në trafikun rrugor.

Qëllimi i këtij aktiviteti ka qenë lirimi i hapësirave në trotuare, kontrolli dhe parandalimi i ndaljeve dhe parkingjeve ilegale të taksive.

Gjatë këtij aktiviteti janë ndërmarrë masa ligjore për të gjithë pjesëmarrësit në trafik të cilët me veprimet e tyre kanë rënë ndesh me normat dhe rregullat mbi ligjin për trafikun rrugor, thuhet në njoftimin e policisë.

Policia inkurajon mediat dhe qytetarët që për të gjitha kundërvajtjet që mund të shkaktohen në komunikacion, të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001.