Premtohet fasadimi i banesave kolektive në Gjilan

Objektet kolektive në Gjilan, të ndërtuara ndër vite, tashmë pritet që të fasadohen.

Premtimi është bërë nga kryetari i Komunës, Alban Hyseni.

Ai ka thënë se së shpejti fasadë e re për ndërtesat e vjetra të qytetit.

Nisma është përshëndetur veçmas nga banorët e lagjes Iliria (Kamnik), të cilët po i ‘vret’ në heshtje asbesti, një material ky kancerogjen, i cili askund në botë nuk përdoret prej vitesh.

Ky kompleks banesor, që përbëhet prej 6 ndërtesash, është ndërtuar në vitet e 80-ta dhe asnjëherë deri më tani nuk është rinovuar.

Grimcat e këtij materiali shpërndahen në vazhdimësi në ajër, sidomos kur ka erëra më të forta.

Çatitë prej asbesti dhe fasadat e vjetra e shëmtojnë shumë këtë lagje, e cila nuk është më shumë se 300-400 metra nga qendra e qytetit.

Ambienti publik, ambienti ku rriten fëmijët tanë, ambienti ku jetojmë, duhet të jetë sa më miqësor për banorët./Mediafokus.info