Pritjet në pikat kufitare – nga 10 minuta deri në 4 orë

Fluksi i udhëtarëve në disa pika kufitare po vijon edhe mëngjesin e së dieles, kryesisht në dalje.

Në pikë kalimin kufitar në Merdar pritjet në dalje janë deri në katër orë, ndërsa radha e automjeteve është mbi një kilometër. Në hyrje pritjet janë deri në 15 minuta, ndërsa nuk raportohet radhë të mjeteve.

Në pikë kalimin kufitar Dheu i Bardhë në dalje pritjet janë deri në një orë, ndërsa radha e kolonave shkon deri në 500 metra. Në hyrje, pritjet janë deri në 15 minuta.

Në Jarinjë pritjet në hyrje shkojnë deri në 5 minuta, ndërsa në dalje ju duhet të prisni më gjatë, deri në 20 minuta, ku raportohet edhe një fluks më i madh me kolonat e mjeteve që shkojnë deri në 60 metra.

Situatë identike si në hyrje, ashtu edhe në dalje raportohet edhe në pikë kalimin kufitar në Mutivodë.

Në të gjitha pikë kalimet e tjera kufitare, në dalje pritjet nuk shkojnë më shumë se 10 minuta, ndërsa në hyrje në asnjërën prej tyre nuk raportohen vonesa, shkruan Telegrafi.