Qëndresa Sadriu, shqiptarja e vetme e zgjedhur në Kantonin e Cyrihut

Sot (e diel) janë mbajtur zgjedhjet për anëtarët e Qeverisë dhe të Parlamentit Kantonal të Cyrihut, shkruan albinfo.ch

Në mandatin e mëparshëm ishte zgjedhur deputete Qëndresa Sadriu-Hoxha, si e para shqiptare në këtë post.

Ajo ka kandiduar sërish dhe është zgjedhur sërish, duke qenë sërish e vetmja shqiptare fituese.

Pas zgjedhjeve, Qëndresa ka folur ekskluzivisht për albinfo.ch.

“Jam e kënaqur me rezultatin në të gjithë kantonin, të partisë sime. Jam dhe më shumë e lumtur për rezultatin tim të qëndrueshëm dhe për katër vite të tjera në Parlament. Dëshiroj të falënderoj votuesit dhe të gjithë për mbështetjen e madhe – pa ta puna ime nuk do të ishte e mundur!”, ka thënë ajo.