Qeveria e re e Malit të Zi, pos kryeministrit, do t`i ketë edhe dy ministra shqiptarë

Në Mal të Zi, së shpejti pritet të nominohet mandatari për formimin e qeverisë së re, të cilës, sipas të gjitha gjasave do t`i prijë Dritan Abanzoviq, lideri i Lëvizjes Qytetare URA.

Siç mëson CDM, Qeveria e pakicës do të ketë tre zëvendëskryeministra dhe tetëmbëdhjetë ministra.

Sipas po të njëjtit burim, pritet që dy deputetët shqiptarë, Genci Nimanbegu dhe Fatmir Gjeka të fitojnë postet e ministrave.

Nimanbegu do të marrë postin e Ministrit të Turizmit, kurse Gjeka atë të Mirëqenies Sociale.

Abazoviq ka marrë përkrahje edhe nga partia e presidentit Gjukanoviq për të udhëhequr me qeverinë, pas rrëzimit të qeverisë Krivokapiq.

Në Mal të Zi, së fundi u shkarkua edhe kryetari i Parlamentit.