Qortim, gjoba e targa provuese, Kurti modifikon vendimin për 6 muaj
Vendimi për targat mbetet në fuqi, megjithatë janë bërë disa ndryshime. Kryeministri Albin Kurti ka njoftuar se do të shkohet me përshkallëzim të masave, fillimisht 21 ditë, pastaj çdo dy muaj deri me 21 prill 2023.
Ai ka thënë se deri me datën 21 nëntor do të jetë në fuqi masa e qortimit.
Pastaj nga 21 nëntori deri më 21 janar do të jetë masa e gjobitjes.
Nga 21 janari për dy muaj do të ketë targa provuese dhe pas 21 prillit 2023 s’do të ketë targa të tilla.
“Targat KM, GL janë targa ilegale. Qeveria e Kosovës përmes vendimit ka obliguar ata që t’i kthejnë në targa RKS. Tash ne kemi zhvilluar diskutime edhe të brendshme, edhe me ministrinë e linjës dhe kemi ardhur në përfundim që të sjellim për propozim, një vendim që bën sekuencim dhe shkallëzim të zbatimit të këtij vendimi.
Deri me 21 nëntor do të jetë masa a qortimit. Nga 21 nëntori deri me 21 janar do të jetë masa e gjobitjes. Nga 21 janari do të kemi targa provuese për dy muaj, por pas 21 prillit nuk do të ketë më targa të tjera në Republikën e Kosovës”, ka thënë kryeministri Albin Kurti.
